Governor Tamilisai Speech In Telangana Assembly Budget Session 2024 | ప్రతి ఇంటికి ఇంటర్నెట్‌.. మూసీ అభివృద్ధితో ఉపాధి..
తెలంగాణ అసెంబ్లీ బడ్జెట్ సమావేశాల్లో కాళోజీ కవితతో గవర్నర్ తమిళిసై తన ప్రసంగాన్ని ప్రారంభించారు. ప్రజా ప్రభుత్వం అధికారంలోకి రాగానే కంచెను తొలగించామని.. ప్రజాభవన్‌లో ఫిర్యాదులు స్వీకరించేందుకు ప్రజలకు అనుమతి లభించిందన్నారు. ఈ ప్రభుత్వం ప్రజల కోసం పనిచేస్తుందని చెప్పారు. ఎన్నికల సమయంలో ఇచ్చిన 6 గ్యారంటీలను సకాలంలో అమలు చేస్తామన్నారు.
ప్రధానాంశాలు:
- రాష్ట్రాన్ని పునర్నిర్మించే ప్రయత్నం చేస్తున్నాం
- ప్రతీ ఇంటికి ఇంటర్నెట్‌ అందిస్తాం
- అసెంబ్లీలో గవర్నర్ ప్రసంగం
Governor Tamilisai Speech In Telangana Assembly Budget Session 2024:
తెలంగాణ అసెంబ్లీలో బడ్జెట్ సమావేశాలు ప్రారంభమయ్యాయి. ఉభయసభలను ఉద్దేశించి గవర్నర్ తమిళిసై సౌందర రాజన్ ప్రసంగించారు. కాళోజీ కవితతో ప్రసంగాన్ని మెదలు పెట్టిన గవర్నర్.. తెలంగాణను అప్పుల కుప్పగా మార్చి మాకు అప్పగించారని అన్నారు. ప్రస్తుతం రాష్ట్రాన్ని పునర్నిర్మించే ప్రయత్నం చేస్తున్నామని వెల్లడంచారు. ధనిక రాష్ట్రంలో ఆర్థిక వ్యవస్థను చిన్నాభిన్నం చేశారని.. దశాబ్ధకాంలో నష్టపోయిన సంస్థలను తిరిగి కోలుకునేలా చేస్తామని చెప్పారు.
“ప్రజా ప్రభుత్వం అధికారంలోకి వచ్చిన వెంటనే కంచెను తొలగించారు. ప్రగతిభవన్‌ను.. ప్రజాభవన్‌గా అందుబాటులోకి వచ్చింది. ఆరు గ్యారంటీలకు కట్టుబడి ఉన్నాం. ప్రజాపాలనలో కోటి 80 లక్షల దరఖాస్తులు వచ్చాయి. త్వరలో మరో రెండు గ్యారంటీలను అమలు చేస్తాం. ప్రజాపాలనలో గ్రామ సభలు నిర్వహిస్తున్నాం. అర్హులకు రూ.500లకే గ్యాస్‌ సిలిండర్‌ ఇస్తాం. మహాలక్ష్మి పథకం ద్వారా మహిళలకు ఉచిత బస్సు ప్రయాణం కల్పించాం. రైతులు, మహిళలు, యువతకు ఇచ్చిన హామీల అములుకు కట్టుబడి ఉన్నాం. రాష్ట్రాన్ని అప్పుల కుప్పగా మార్చి మాకు అప్పగించారు. రాష్ట్రాన్ని పునర్నిర్మించే ప్రయత్నం చేస్తున్నాం.
ప్రతీ ఇంటికి ఇంటర్నెట్‌ అందిస్తాం
గవర్నర్ ప్రసంగం తర్వాత తొలిరోజు సభ వాయిదా పడగా.. రేపు ధన్యవాద చర్చను ప్రారంభించనున్నారు. అయితే తొలిరోజు సమావేశాలకు బీఆర్ఎస్ అధినేత, ప్రతిపక్ష నేత కేసీఆర్ హాజరు కాలేదు. తొలుత ఆయన వస్తారని ప్రచారం జరిగిన చివరి నిమిషంలో ఆయన సభకు హాజరు కాలేదు. ఈనెల 10న ఓటాన్ అకౌంట్ బడ్జెట్ ప్రవేశపెట్టనుండగా.. ఆ రోజు కేసీఆర్ సభకు హాజరుకానున్నట్లు తెలుస్తోంది.
మరిన్ని వార్తల కోసం క్లిక్ చేయండి....
Free Electricity only for Ration card holders under the Gruha Jyothi Scheme-2024
1 thought on “Governor Tamilisai Speech In Telangana Assembly Budget Session 2024 | ప్రతి ఇంటికి ఇంటర్నెట్‌.. మూసీ అభివృద్ధితో ఉపాధి..”